English
 
 
   
 
 
 
 
 
 
   
   
 
 
 
 
 
 
   
 
 
 
 
 
 

 

 

Awdaz adelsan

A. Smail  

Deg wass seg wussan umewusan (tamenzut), yewwd ed taqewurart timesteclit; u gedd gedd deg usemmad (amalas) segg semmaden u gur n ctenbir aseggwas n Timi  d tz n twinas d seddimraw (1969) wenzil u yenna i yudan n teghzut n meddnin u Ayt Melul a netc d imetwanki (amuzun) u selmed d tmussni ghurwen si tmezla u segmi, w iferrhasen ggat u yennasen. Aya yella deg waghil n tewurungt deg usays u selmed d usemrari nnes f iqewwaren d tmurz yegsa s cala yella.

U ssidin ad yennefdek u sehmim n uwdaz adelsan d uswingem arab, tennefdek tnimellet a deg llant sent n tdaliwin d ttmezdaght u selmad, u tewlen imarawen ttawin ed tarwin nnsen i tikkezt d uqeddec d wettar n tussna d tmusni, u tudef tqewwart ikmen d atrar u tedder amedsuy (tadyant) d ameqqran.

Ayt Melul izedghen n meddnin, imgharen, timgharin, imeqqranen imzzyanen. Tutlayt nnsen d tamazigh ur ssinen ca tarabt, lekkan drusen wawalen yyd ahen yessnen day din. Aya f imeqqranen, mawahi imzzyanen mani hat ssnen nigh mani s ahad slen iss, wametwanki n tarabt gher waya n teghzut, ur asen yettutlay lekkan tarabt; u netta mmigh d amazigh (Cawi).

Ttayyi ttabritt ag gedfer, wesa ad yezz tasett (taddagt) n wewdaz adelsan arab di tarwa u qewar, yella aldira ad yessiwel gher-sen rghiman sbajjamen; bhra xsen ad ssnen matta asen yeqqar?! Layenni deg waya iqeddacen imesbijjmen imetbhren yella yidj (yan) u umetcuk (arba) yifi hen kitc, matta zigh adeg ahen yif?!... Inezz qli seg wasen yeqqar waya uselmad, aya manis?! Seg wanis (acku) tmarawt nnes ttanzilt ttaneghlatt (taberrnit) f uqewwar n Ayt Mlul.

Usin ed wussan ddan irekkh asen ge (akw) u metcuk d anemmegrud (interprte) jar atsen d uselmad, seg wanis ur ssinen ca tarabt am netta, layenni matta d tarabt?!... U seg way-din n tezmalt (tat) ilul asen ed weghlulles (haine) d ametwandd deg wulawen seg wa-ya umersi ad teddren; wid ueddi (azray) n wussan tetwamsel asen ed tgugayt deg wamannd (aleggway) imetti (social) deg wjaj n tnimellett d ssekket ttazmalt d ttanzilt fellasen u deg ghlad (berr) d usun (axxam) d ssekket yidj (ydnin), ssnent ukzen tileqqi nnes, u degga ag yexs (ira) uselmad agmay n tsett n wewdaz adelsan arab, yerxa imennawt iqeddacen zghulen timessi iqeddacen (tnewwcen), iweggd ihen u yenna sen: Mda ra ad tafem yidj yettutlay awal n tmazeght init aya fella-s at wettigh s teyyita, u zdat aya yegguma w iweggd iqeddacen f wutlayi n tmazight u qqimen w ara ygin sayyi ad yessiwel w ad yeqqel dat deffer, fus zelmd a wer yili cca uzeghal n tmessi w ad yettuwetta, ssi-din aden ed d imaggwaden u d ketc yebbi w awal n tmazeght seg mawen nnsen. Netta wa ggeqqlen gher wa-ya n tebritt tanemruyt (tamessayt) ad yessen at d awdaz adelsan arab ag gedji inqqeddacen f tgara dimm sskerfen seg wmay gher tmhdrt, kti ameqqar (isem) u selmad ad rebzen; u yekka fella-sen w ay-din, aked degga hadaghren si tedwilt timtewwelt gher tedwilt n welmad anemmas, drus n yya ag gemran si tsergelt (tazeqqurt), w ammi-din laked d ttefransist, tiga am tarabt nigh gger, layenni ur tekki cca akkay n tarabt (influence), seg wanis tasett nnes ur tegmi cca am tsett n tarabt, ag gellan tedja akkayen nnes di tarwa n teqqewart, u qqimen swangamen aswingem n waraben, ahen yedjin ufin timenkay seg weseg (imujan, tabilant) nnsen id waya n tmudri, usint asen d jar atsen d wani xsen ad awden, nnzren tenbubbes fellasen, ur ufin ani uan, nigh ad qedden; ani kennen siy kakan w at afen d ttafransisit d ramsal d ameqqran seg waya n wewdaz adelsan arab, ur ad yedji lekkan tifewwahn, lekkan inezgan d unuzzr i tarwa u qewwar n meddnin n Ayt Mlul, talya aqalti yella d amuis, layenni ur yelli lekkan nnes; seg wanis ur yelli deg wfus aked n yidj ss-isen (tarwa u qewwar); ur ssinen awelli sayyi ag if?! Layenni yettuzzamez f mamwi? Yettuzzamez f tmazeght ag gellan xsen iweddazen araben at ndlen anis ur ad tettali ur ad tetina; matta ami tiwdi, matta ami anezgum ?! Temhyyer ed tmazeght seg wnil (azkka), a s igin iweddazen u temdr cal u tbedd ed tnukri d ttadelsant ad teslelli imran (penses) iwengamen imazighen seg wdaz n indliben (ennemis); w ad tgem tsett si tigri (Est) n tmurt imazighen gher timert nnes (West) w ad ilin d iwnagen (indpendants) deg idles d wesquqqed (tadamsa) d w ahen yessiwden i tedmalin (interts).

Revue Tifawt N:8

 

Headquarters : Amazigh World  ( Amadal Amazigh), North America, North Africa

amazighworld@gmail.com

Copyright 2002  Amazigh World.  All rights reserved.